Kammelna - Blog

الذكاء الاصطناعي في كملنا الجديد.. صار أذكى من أي وقت ! كمبيوتر كملنا صار أقوى! في كملنا، ما نرضى باللعب العادي، وعشان كذا أخذنا الذكاء الاصطناعي (الكمبيوتر) لمرحلة تطوير جديدة. قمنا بتدريب "عقل كملنا" على أكثر من 50 مليون صكة حقيقية لعبها نوابغ وأساطير البلوت في مجتمعنا. النتيجة؟ صار الذكاء الاصطناعي عندنا مو بس "يعرف القوانين"، صار "يفهم اللعب". كمبيوتر كمّلنا الجديد.. صار يفهمها وهي طايرة! الحين، لما تدخل الصكة وتلعب مع الكمبيوتر أو يضطر يكمل عن خويك اللي فصل، ما راح تحس بفرق كبير؛ لأنك صرت تلعب مع "نابغة" بلوت جالس جنبك في الملحق. بفضل عدد الصكات الكبير اللي تدرب عليها، صار الذكاء الاصطناعي عندنا يقرأ الصكة صح، ويوزن قراراته في الشراء بين "صن" في محله و"حكم" قوي بناءً على احتمالات دقيقة ومدروسة. والأجمل من كذا، إنه صار "يفهم خويّه" ويقرأ لعبه صار يعرف كيف "يجيك" في الوقت المناسب ويهرب لك الورق اللي يوضح لك هو وش معه، يعني صار يفهم التهريبات اللي تفتح لك اللعب أو تضيق على الخصم. وكأنه لاعب محترف وخبير في مجتمع البلوت. ليش هذا التحديث يفرق معك؟ تدريب حقيقي: تقدر تلعب صكات تدريبية بمستوى عالي جداً يجهزك للبطولات. استمرارية المتعة: إذا خويك فصل أو تأخر، البديل (الكمبيوتر) راح يعوض مكانه وما تضيع عليك الصكة.